اسلام آباد ٟ ٞ پارلیمانی رپورٹر ایسوسی ایشن پاکستان ٟ پی آر اے ٞ کی الیکشن کمیٹی نے الیکشن 2025-27 کے شیڈول کا اعلان کر دیا ہے ۔ جاری ہونے والے مراسلہ کے مطابق پی آر اے الیکشن کمیٹی کا اجلاس گزشتہ روز پارلیمنٹ ہائوس میں منعقد ہوا جس کی صدارت چیئرمین الیکشن کمیٹی طارق محمود سمیر نے کی ۔ کمیٹی میں شامل دیگر ممبران جن میں اعجاز احمد اور ناصر نقوی کے علاوہ ڈی جی میڈیا نیشنل اسمبلی ظفر سلطان نے بھی شرکت کی ۔ الیکشن شیڈول کے مطابق کاغذات نامزدگی کی وصولی 17 سے19 ستمبر تک کی جائے گی ۔ سکروٹنی 22 ستمبر ، اعتراضات جمع کرانے کی تاریخ 23 ستمبر ، اعتراضات پر جوابات 24 ستمبر ، کاغذات نامزدگی کی واپسی 25 ستمبر کو دوپہر 12 سے شام 5 بجے تک کی جا سکے گی جبکہ حتمی فہرست 26 ستمبر کو آویزاں کی جائے گی ۔ اسی طرح پولنگ 2 اکتوبر صبح 10 بجے سے شام 5 بجے تک بلا تعطل جاری رہے گی ۔ الیکشن کمیٹی کے مطابق کاغذات نامزدگی کے فارم پی آر اے کی ویب سائٹ سے بھی ڈائون لوڈ کئے جا سکتے ہیں جبکہ مذکورہ فارم پی آر اے آفس سے بھی حاصل کئے جا سکتے ہیں ۔