Press Release

PRA-PR-101 پارلیمانی رپورٹرز ایسوسی ایشن پاکستان کا پارلیمان کے 78 سال مکمل ہونے پر خراجِ عقیدت۔ اسلام آباد(10 اگست 2025): پاکستان کی پارلیمان کے قیام کو 78 برس مکمل ہونے پر پارلیمانی رپورٹرز ایسوسی ایشن (PRA) پاکستان نے بانیانِ پاکستان، دستور ساز اراکین، اور اُن تمام جمہوریت پسند قوتوں کو خراجِ تحسین پیش کیا ہے جنہوں نے اس ادارے کی بنیاد رکھی۔ پی آر اے کے جاری کردہ بیان میں کہا گیا ہے کہ قانون ساز اسمبلی کا قیام بانیانِ پاکستان کی جمہوری سوچ اور عوامی نمائندگی کے عزم کا واضح ثبوت تھا۔ آج وہی پودا ایک تناور درخت کی صورت اختیار کر چکا ہے، جس کی چھاؤں میں پاکستان کی جمہوریت آگے کی جانب گامزن ہے۔ پی آر اے پاکستان کے صدر عثمان خان، سیکرٹری نوید اکبر اور دیگر عہدیداروں نے اپنے مشترکہ پیغام میں کہا کہ آئین کی حکمرانی اور پارلیمان کی بالادستی قومی ترقی، خوشحالی اور یکجہتی کی ضمانت ہے. پارلیمان 25 کروڑ عوام کی آواز اور ترجمان ہے؛نوجوانوں کو پارلیمانی عمل سے جوڑنے کے لیے جاری اقدامات قابلِ ستائش ہیں۔ پارلیمانی نظام کے تسلسل اور سیاسی استحکام کے بغیر کوئی قومی ترقی ممکن نہیں، پی آر اے نے اس عزم کا اعادہ کیا کہ صحافیوں کی یہ نمائندہ تنظیم پارلیمانی معاملات کی شفاف، غیرجانبدار اور بروقت رپورٹنگ کے ذریعے اس جمہوری ادارے کے ساتھ اپنی پیشہ ورانہ وابستگی برقرار رکھے گی۔ جاری کردہ:جاوید حسینسیکرٹری اطلاعات پی آر اے پاکستان۔

PRA-PR-100 پی آر اے پاکستان کے رکن طارق ورک کیساتھ راولپنڈی کے تھانہ نیو ٹاون پولیس کے ہتک آمیز رویہ پر متعلقہ ایس ایچ او کو معطل کرنے اور ضابطے کی کارروائی مکمل کر کے رپورٹ جمع کرانے کی ہدایت کردی گئی۔ کمیٹی چیرمین بیرسٹر علی ظفر نے راولپنڈی پولیس کے حکام اور متعلقہ ایس ایچ او کو طلب کرلیا۔ اسلام آباد( 6 اگست 2025) چیئرمین سینیٹر علی ظفر کی زیر صدارت سینیٹ قائمہ کمیٹی برائے اطلاعات و نشریات نے پی آر اے پاکستان کے ر کن طارق ورک کیساتھ راولپنڈی کے تھانہ نیو ٹاون پولیس کے ہتک آمیز رویہ اور تھانے میں کئی گھنٹے حبس بے جا میں رکھنے پر متعلقہ ایس ایچ او طیب بیگ کو معطل کرنے اور ضابطے کی کارروائی مکمل کر کے رپورٹ جمع کرانے کی ہدایت کردی ہے۔ کمیٹی چیرمین بیرسٹر علی ظفر نے راولپنڈی پولیس کے حکام اور متعلقہ ایس ایچ او کو ذاتی حیثیت میں طلب کر لیا۔ قائمہ کمیٹی اطلاعات و نشریات کا اجلاس چیرمین علی ظفر کی زیر صدارت پارلیمنٹ لاجز میں ہوا ۔ اجلاس میں صدر آر آئی یو جے طارق علی ورک کیساتھ پیش آنیوالے واقعہ کا جائزہ لیا گیا، کمیٹی ارکان نے راولپنڈی پولیس کے متعلقہ افسران کی عدم حاضری پر شدید برہمی کا اظہارِ کیا اور اس رویہ کو غیر سنجیدہ قرار دیا۔ صدر پی آر اے پاکستان عثمان خان نے واضح کیا کہ پولیس کا تضحیک آمیز رویہ باعث تکلیف اور تشویشناک ہے. مزکورہ افسر کے خلاف ایکشن لیئے بغیر بات آگے نہیں بڑھے گی. پولیس افسر کا توہین آمیز رویہ کسی صورت برداشت نہیں کیا جا سکتا. سیکرٹری پی آر اے نوید اکبر نے راولپنڈی پولیس کی غیر سنجیدگی کا معاملہ اٹھاتے ہوئے کمیٹی سے بھرپور کارروائی کرنے پر زور دیا. اجلاس کے دوران طارق علی ورک نے اپنے ساتھ پیش آنیوالے واقعہ کی تفصیلات سے آگاہ کیا. سیکرٹری نیشنل پریس کلب نیئر علی نے کہا کہ پولیس کارروائی کرنے کی بجائے. معافی تلافی اور معاملہ رفع دفع کرنے پر زور دیتی رہی. معاملے کا مناسب حل نکلنا چاہیے. کمیٹی ارکان عرفان صدیقی، پرویز رشید،وقار مہدی، سرمد علی اور دیگر ارکان نے وزارت داخلہ کے افسر کی جانب سے پنجاب پولیس کی بھیجی گئی رپورٹ اجلاس میں پیش کرنے اور سرکاری موقف سننے سے صاف انکار کرتے ہوئے مزکورہ صحافی کو انصاف فراہم کرنے کے عزم کا اعادہ کرتے ہوئے پی آر اے کے موقف کی مکمل تائید کی. کمیٹی چیرمین نے پی آر اے قیادت اور ارکان کا موقف جاننے کے بعد ایس ایچ او طیب بیگ کو معطل کر کے رپورٹ پیش کرنے اور آئندہ اجلاس میں ذاتی حیثیت میں طلب کر لیا۔ جاری کردہ:جاوید حسین سیکرٹری اطلاعات پی آر اے پاکستان

خبر غم/ اظہار افسوس ‏Dated:03-08-2025 پاکستان ٹیلی ویژن سے منسلک سینئیر صحافی و پارلیمانی رپورٹرز ایسوسی ایشن آف پاکستان کے معزز رکن سید نمود مسلم صاحب کی والدہ محترمہ انتقال فرماگئی ہیں۔ انا للہ وانا الیہ راجعون۔ مرحومہ کی نماز جنازہ آج تین اگست 2025، اتوار کے روز بعد نماز مغرب ان کے آبائی گھر کی جامعہ مسجد، ماڈل ٹاون، لاہور میں ادا کی جائے گی۔ برائے رابطہ نمود مسلم صاحب0333-5312655 پارلیمنٹیری رپورٹرز ایسوسی ایشن آف پاکستان غم کی اس گھڑی میں نمود مسلم اور ان کے اہل خانہ کے ساتھ اظہار تعزیت کرتی ہے اور ان کی والدہ کے درجات کی بلندی کے لئے دعا گو ہے۔ جاری کردہ:جاوید حسینسیکرٹری اطلاعات پی آر اے پاکستان۔

Dated:01-08-2025. خبر غم/ اظہار افسوس جنگ گروپ سے وابستہ رہنے والے صحافی اور پارلیمانی رپورٹرز ایسوسی ایشن آف پاکستان کے بانی رکن مرحوم ارشد وحید چوہدری صاحب کا جواں سالہ بیٹا روشان وحید آج جمعہ کے روز صبح رضا الٰہی سے وفات پاگئے ہیں۔ انا للہ وانا الیہ راجعون۔ انکا نماز جنازہ آج یکم اگست 2025، جمعہ کے روز بعد نماز مغرب میڈیا ٹاؤن ڈسپنسری گراونڈ نزد گول چکر، میڈیا ٹاؤن، اسلام آباد میں ادا کیا جائے گا۔ ایڈریس: مکان نمبر 161 گلی نمبر 9 بلاک D میڈیا ٹاون اسلام آباد۔ پارلیمنٹیری رپورٹرز ایسوسی ایشن آف پاکستان غم کی اس گھڑی میں ارشد وحید مرحوم کے اہل خانہ کے ساتھ اظہار تعزیت کرتی ہے اور ان کے صاحبزادے کے درجات کی بلندی کے لئے دعا گو ہے۔ برائے رابطہ:Zain Arshad Waheed03064836883 جاری کردہ:جاوید حسینسیکرٹری اطلاعات پی آر اے پاکستان۔

اطلاع/ خبر غم سینئر صحافی و معزز ممبر پی آر اے پاکستان اکرم عابد قریشی کے برادر نسبتی چوہدری محمد فیاض کا ڈیرہ اسماعیل خان میں دل کا دورہ پڑنے سے انتقال ہوگیا ہے۔ انا للہ وانا الیہ راجعون۔ برائے رابطہ:اکرم عابد03335233762 پارلیمنٹیری رپورٹرز ایسوسی ایشن آف پاکستان غم کی اس گھڑی میں اکرم عابد قریشی سے اظہار افسوس اور اظہار ہمدردی کرتی ہے۔ جاری کردہ:جاوید حسینسیکرٹری اطلاعات پی آر اے پاکستان۔